အတွေ့အကြုံ‌‌ဝေမျှခြင်း

စင်္ကာပူ Raffles ဆေးရုံတွင် ရောဂါရှာဖွေရေးနည်းလမ်းသစ်ဖြစ်သည့် 𝙈𝙖𝙨𝙩𝙤𝙘𝙝𝙚𝙘𝙠® သွေးစစ်ဆေးမှုဖြင့် ရင်သားကင်ဆာကို စောစီးစွာစစ်ဆေးဖော်ထုတ်ပေးလျက်ရှိပါသည်။ အာရှအမျိုးသမီးအများစုတွင် သိပ်သည်းသောရင်သားများရှိလေ့ရှိပါသည်။ ထိုသို့သောအခြေအနေမျိုးတွင် ရင်သားကင်ဆာအကျိတ်များကို ပုံမှန်ရင်သားဓာတ်မှန်ရိုက်စစ်ဆေးခြင်း mammogram ဖြင့် စစ်ဆေးဖော်ထုတ်သိရှိရန်ခက်ခဲနိုင်ပါသည်။ 𝙈𝙖𝙨𝙩𝙤𝙘𝙝𝙚𝙘𝙠® သွေးဖြင့်စစ်ဆေးမှုအဖြေသည် ပုံမှန်ရင်သားဓာတ်မှန်ရိုက်စစ်ဆေးခြင်း mammogram အဖြေကို ဖြည့်စွက်ပေးခြင်းအားဖြင့် ရင်သားကင်ဆာကို စောစီးစွာဖော်ထုတ်သိရှိနိုင်မည့် မှန်ကန်တိကျမှုကိုတိုးစေပါသည်။ မိသားစု၀င်တွင် ရင်သားကင်ဆာကျန်းမာရေးရာဇ၀င်ရှိသည့် ရင်သားကင်ဆာဖြစ်နိုင်ခြေအန္တရာယ်မြင့်သော အမျိုးသမီးများ Mastocheck® သွေးဖြင့်စစ်ဆေးခြင်းကို အထူးအကြံပြုလိုပါသည်။ စင်္ကာပူ Raffles ဆေးရုံတွင် ရင်သားအထူးကုဆရာ၀န်ကြီးနှင့် တိုင်ပင်ဆွေးနွေးပြီးစစ်ဆေးလိုပါက ဆက်သွယ်မေးမြန်းနိုင်ပါသည်။

ရေတွင်ပျော်ဝင်နိုင်သည့်ဗီတာမင်များ နှင့် အဆီတွင်ပျော်ဝင်နိုင်သည့်ဗီတာမင်များဟူ၍ အမျိုးအစားနှစ်မျိုးရှိပါသည်။ ရေတွင်ပျော်ဝင်နိုင်သည့် ဗီတာမင်များမှာအဘယ်နည်း။ ဗီတာမင် C နှင့် B သည် ရေတွင်ပျော်ဝင်နိုင်သည့်ဗီတာမင်များဖြစ်ပါသည်။ ဤဗီတာမင်များကို သင်၏ခန္ဓာကိုယ်ထဲတွင် သိမ်းဆည်းထားခြင်းမရှိသည့်အတွက် နေ့စဉ်ပြန်လည်ဖြည့်ရပါသည်။ ဤဗီတာမင်များကို လတ်ဆတ်သောသစ်သီးများ၊ ဟင်းသီးဟင်းရွက်များ နှင့် သီးနှံများစားသုံးခြင်းတို့မှ အလွယ်တကူရနိုင်ပါသည်။ အဆီတွင်ပျော်ဝင်နိုင်သည့် ဗီတာမင်များမှာအဘယ်နည်း။ ဗီတာမင် A, D, E, K တို့သည် အဆီတွင်ပျော်ဝင်နိုင်သည့်ဗီတာမင်များဖြစ်ပါသည်။ ဤဗီတာမင်များကို ခန္ဓာကိုယ်အတွင်း အချိန်ကြာမြင့်စွာသိမ်းထားနိုင်ပါသည်။ ထို့ကြောင့် သင်သည် ဤဗီတာမင်များကို နေ့စဉ်အနည်းငယ်သာ သောက်သုံးရန်လိုအပ်ပါသည်။ မည်သို့ပင်ဆိုစေကာမူ ဤဗီတာမင်များသည် ကျွန်ုပ်တို့အတွက်မရှိမဖြစ်လိုအပ်ပါသည်။ ဤဗီတာမင်များကို အသုံးမပြုသည့်အခါ အသည်းနှင့်အဆီတစ်သျှူးများတွင် သိုလှောင်ထိန်းသိမ်းထားပါသည်။ ဗီတာမင်များ၏လုပ်ငန်းဆောင်တာများမှာအဘယ်နည်း။ ဗီတာမင်များသည် ကျွန်ုပ်တို့၏ကိုယ်ခန္ဓာတွင် ကွဲပြားခြားနားသောလုပ်ငန်းဆောင်တာများကို လုပ်ဆောင်ပေးပါသည်။ ဗီတာမင် C, B, နှင့် D ကဲ့သို့အသုံးအများဆုံးဗီတာမင်အချို့သည် ကျွန်ုပ်တို့၏ခန္ဓာကိုယ်အတွက် မရှိမဖြစ်လိုအပ်သော လုပ်ဆောင်ချက်များရှိသည်။ ဥပမာအားဖြင့် ဗီတာမင် C သည် ကျွန်ုပ်တို့၏ကိုယ်ခန္ဓာရှိတစ်ရှူးများ၏ ကြီးထွားမှုနှင့်ပြုပြင်ခြင်းများတွင်ကူညီသည်။ အနာကျက်မြန်စေပါသည်။ ဗီတာမင် C သည် သံဓာတ်စုပ်ယူမှုကိုလည်း အားကောင်းစေပါသည်။ ဗီတာမင် B သည် သွေးနီဥဆဲလ်ထုတ်လုပ်မှုကို အထောက်အကူဖြစ်စေပြီး၊ ကျွန်ုပ်တို့၏စွမ်းအင်နှင့်ဇီ၀ဖြစ်ပျက်မှုကို မြှင့်တင်ပေးပါသည်။ ကျန်းမာသည့်အာရုံကြောစနစ်ကိုဖြစ်စေရန်လည်း အရေးပါပါသည်။ ဗီတာမင် D သည် အရိုးတည်ဆောက်ရန်အရေးကြီးသည့် ကယ်လ်ဆီယမ်နှင့်ဖော့စဖောစ်တို့ကို စုပ်ယူထိန်းသိမ်းပေးပါ သည်။ ရောဂါကူးစက်မှုကိုထိန်းချုပ်ပေးနိုင်ပြီး၊ ရောင်ရမ်းမှုကိုလည်းလျှော့ကျစေပါသည်။ ဗီတာမင်ချို့တဲ့သော လက္ခဏာများမှာအဘယ်နည်း။ ကျွန်ုပ်တို့မှတ်ယူရမည့်လက္ခဏာတချို့ရှိပါသည်။ ပထမဦးစွာ အနာကျက်နှေးခြင်းသည် ဗီတာမင် C မလုံလောက်ခြင်းကိုညွှန်ပြပါသည်။ ဒုတိယအချက်အနေဖြင့် ပုံမှန်မဟုတ်သောဆံပင်ကျွတ်ခြင်းသည်...

ပုံမှန်မဟုတ်သော နှလုံးခုန်ခြင်းသည် သွေးဆဲလ်များစုဝေးလာခြင်းကိုဖြစ်စေနိုင်ပြီး  ဦးနှောက်သို့သွားသော သွေးကြောများ ပိတ်ဆို့ခြင်းနှင့်လေဖြတ်ခြင်းတို့ကိုဖြစ်စေနိုင်သည်။ လူ့နှလုံးသည် လက်သီးဆုပ်မျှသာရှိသော်လည်း ၎င်း၏အံ့သြဖွယ် ကောင်းသောလုပ်ဆောင်ချက်မှာ တစ်နေ့လျှင် အကြိမ်ပေါင်း ၁၀၀,၀၀၀ နှင့် ဘဝသက်တမ်းတစ်လျှောက်တွင် ပျမ်းမျှအကြိမ်သန်း ၃၀၀၀ လောက် ခုန်နိုင်ပါသည်။ နှလုံး၏ အလွန်အရေးပါသောလုပ်ဆောင်ချက်မှာ အသက်ရှင်သန်ရန်အတွက် လိုအပ်သောအောက်စီဂျင် နှင့် အာဟာရဓာတ်တို့ကို သွေးမှတဆင့်ခန္ဓာကိုယ်အနှံ့ သယ်ဆောင်နိုင်ရန်အတွက်ညှစ်ပေးခြင်းဖြစ်ပါသည်။   အကယ်၍ နှလုံးညှစ်အားပျော့လျှင် လူနာသည် နှလုံးချို့ယွင်းခြင်းလက္ခဏာများဖြစ်သည့် ပင်ပန်းနွမ်းနယ်ခြင်း၊ အသက်ရှူမဝခြင်း၊ ခြေထောက်ရောင်ခြင်း နှင့် တချို့တွင် ထိုင်လျက်ဖြင့်အိပ်ချင်လာခြင်းတို့ကို ခံစားရလိမ့်မည်ဖြစ်သည်။ ထိုသို့သော အဖြစ်အပျက်မျိုးသည် တချိန်က ကျွန်ုပ်၏လူနာတစ်ဦးတွင်ဖြစ်ခဲ့ဖူးသည်။  ရှယ်လာ၏ အဖြစ်အပျက်။ ရှယ်လာသည် အသက် ၆၀ ဝန်းကျင်ရှိသော သွက်လက်သည့်အမျိုးသမီးဖြစ်သည်။ သူမသည် စင်္ကာပူသို့ အပန်းဖြေခရီးလာရခြင်းကို နှစ်သက်ပြီး တစ်နှစ်လျှင် ၄ကြိမ်တိုင် လာရောက်လည်ပတ်လေ့ရှိသည်။ ထိုသို့လာရောက်ခြင်းမျိုး နှစ်အတော်ပင်ရှိခဲ့ပြီး စင်္ကာပူတွင် အပန်းဖြေအနားယူ၍ ကျန်းမာရေးအတွက်လည်းဆရာ၀န်များဖြင့်ပြသ၍ ဆေးကုသမှုခံယူပါသည်။  ကျန်းမာရေးစစ်ဆေးချက်အဖြေများအရ ရှယ်လာသည် နေကောင်းကျန်းမာသည်။ သူမသည် တစ်နေ့လျှင် ၄ ၊ ၅ မိုင်ထိ လမ်းလျှောက်နိုင်သေးသော်လည်း ဒီဇင်ဘာလ ၂၀၁၀ တွင် သူမသည် အသက်ရှူမဝခြင်း နှင့် ကျန်းမာရေး ဆုတ်လျော့လာသည်ဟုခံစားရသည်။    ကျန်းမာရေးသည် ပုံမှန်အတိုင်းကောင်းနေသေးသည်ဟုထင်သောကြောင့် ဒီဇင်ဘာတွင် ရှယ်လာသည် စင်္ကာပူသို့ အပန်းဖြေခရီးထွက်လာသည်။ လေယာဉ်ပေါ်စကားပြောနေစဉ်ကာလတွင် သူမသည် ရေနစ်သကဲ့သို့ခံစားရခြင်း၊ အသက်လုရှူနေရသကဲ့သို့ ခံစားရခြင်းမျိုးဖြစ်ပေါ်သည်။ သူမ၏စိတ်ထဲတွင် မကောင်းသောတစ်စုံတစ်ခု ဖြစ်ပေါ်လာနိုင်သည်ဟု ခံစားရသောကြောင့် လေယာဉ်ဆိုက်သည်နှင့်တစ်ပြိုင်နက် ရှယ်လာသည် ကျွန်ုပ်တို့ဆေးရုံသို့ အလောတကြီးရောက်လာပါသည်။ ...

COVID-19 ကာကွယ်ဆေးထိုးရန် သင်စိတ်ပူနေပြီး အတွေးများစွာရှိနေနိုင်သည်။ ကာကွယ်ဆေးထိုးခြင်းသည် မိမိဆန္ဒအလျောက်ဖြစ်သော်လည်း ဆေးထိုးရန်သင့်တော်သူများအားလုံး ထိုးထားသင့်ပါသည်။ COVID-19 ကာကွယ်ဆေးထိုးခြင်းသည် မိမိကိုယ်ကိုသာမက မိမိချစ်ရသောသူများအတွက်လည်း ကာကွယ်ရာရောက်ပါသည်။ ပထမဆုံးဆေးမထိုးမှီ သင်သိထားသင့်သည့်အရာများကို ဝေမျှပေးချင်ပါသည်။ ကာကွယ်ဆေးကိုဘယ်လိုထိုးရမလဲ။ ၁။ ကာကွယ်ဆေးကို လက်မောင်းတွင်ထိုးရပါမည်။ အကောင်းဆုံးမှာ သင်သည်ညာသန်ဖြစ်လျှင် ဘယ်ဘက်လက်တွင်ကာကွယ်ဆေးထိုးခံသင့်ပါသည်။ ၂။ လက်မောင်းပေါ် ဆေးထိုးမည့်နေရာကို ဆေးမထိုးမှီ အရက်ပျံဖြင့်သုတ်၍သန့်စေပါမည်။ ၃။ ဆေးကို သင်၏ပုခုံး deltoid ကြွက်သားအတွင်းသို့ထိုးပါမည်။ ၄။ ၂၁ ရက်ခြား နှစ်ကြိမ်ထိုးရန်လိုအပ်ပါသည်။ ဆေးအဖွဲ့သည် သင်ဒုတိယအကြိမ်ဆေးထိုးရမည့်ရက်ကို သင့်အားအသိပေးပါလိမ့်မည်။ ကာကွယ်ဆေးထိုးပြီး  ဘာဖြစ်နိုင်ပါသလဲ။ ကာကွယ်ဆေးထိုးပြီးနောက် ဆေးတုံ့ပြန်မှုကိုသိရှိရန် အနားယူသည့်နေရာတွင် မိနစ် ၃၀ စောင့်ကြည့်ပါလိမ့်မည်။ ကျွန်ုပ်တို့၏ကျန်းမာရေးဝန်ထမ်းများသည် သင်၏ကျန်းမာရေးအခြေအနေအတွက်အဆင်သင့်ရှိနေပါမည်။ ဘယ်လိုဘေးထွက်ဆိုးကျိုးတွေရှိနိုင်ပါသလဲ။ လူတိုင်းသည် အောက်ပါဘေးထွက်ဆိုးကျိုးများကို ခံစားရလိမ့်မည်မဟုတ်သော်လည်း COVID-19 ဗိုင်းရပ် ဆန့်ကျင်ကိုယ်ခံစွမ်းအားတည်ဆောက်ရန် ခန္ဓာကိုယ်ရဲ့သဘာဝတုံ့ပြန်မှုဖြစ်သဖြင့် ခံစားရတတ်သည်ကို မျှော်လင့်ထားရပါမည်။ အများအားဖြင့် ဤဘေးထွက်ဆိုးကျိုးများကို Paracetamol  သောက်သုံးခြင်းဖြင့် (၁) ရက် (၂) ရက်အတွင်း သက်သာနိုင်ပါသည်။ အဖြစ်အများဆုံး လက္ခဏာများ။ ဆေးထိုးသည့်နေရာ၌နာခြင်း။ပင်ပန်းနွမ်းနယ်ခြင်း နှင့် မောပန်းခြင်း။ခေါင်းကိုက်ခြင်း။ကြွက်သားကိုက်ခဲခြင်း။အအေးမိခြင်း။ အဖြစ်နည်းသော လက္ခဏာများ။ ဖျားခြင်း။ ကိုယ်ပူခြင်း။လည်ပင်း (သို့) လက် အကျိတ်တို့ ရောင်ရမ်းခြင်း။COVID-19 ကာကွယ်ဆေးကိုခံယူပြီး ၁ ရက် မှ ၃ ရက် ခန့်အတွင်းဖြစ်နိုင်သည်။ ၂ ရက် မှ ၃ ရက်ထက် ပိုမကြာပေ။ အလွန်အဖြစ်နည်းသော လက္ခဏာများ။ ဓာတ်မတည့်ခြင်းတုံ့ပြန်မှု။ (ဆေးပမာဏတစ်သန်းတွင် ၁၁...

Dr. Kaushal A. Sanghvi (General Surgery Specialist, Raffles Hospital Singapore) at the 29th National Gastroenterology Conference, Vietnam, December 2023 နှင့် Interview ကောက်နုတ်ချက်။ (၁) ဆရာဝန်များသည် ကလေးများ၏ လက်ရှိအဝလွန်မှုနှုန်းကို မည်သို့အကဲဖြတ်ကြသနည်း။ အဝလွန်ခြင်းသည် အာရှကလေးငယ်များကြားတွင် အရေးပါသောပြဿနာတစ်ခုဖြစ်ပြီး ကလေးများ၏ 15-20% နီးပါးသည် အဝလွန်ခြင်း သို့မဟုတ် အဝလွန်နေပါသည်။ ယင်းကို တိုက်ဖျက်ရန်အတွက် ကျောင်းများသည် ၎င်းတို့၏ မီနူးများနှင့် ကျောင်းစားသောက်ဆိုင်များမှ သကြားပါသော အချိုရည်များနှင့် ကျန်းမာရေးနှင့် မညီညွတ်သော အစားအစာများကို ဖယ်ရှားခြင်းကဲ့သို့သော အစီအမံများကို အကောင်အထည်ဖော်သင့်သည်။ မိဘများသည် ငယ်စဉ်ကတည်းက ပုံမှန် ကိုယ်လက်လှုပ်ရှားမှုနှင့် အားကစားကို အားပေးသင့်သည်။ တီဗီကြည့်ရင်း အစာစားခြင်းကဲ့သို့ ကျန်းမာရေးနှင့် မညီညွတ်သော အလေ့အကျင့်များသည် အဝလွန်ခြင်းကို ဖြစ်စေသည်။ (၂) အဝလွန်ခြင်းဖြစ်လျှင် သင့်တော်သော ကိုယ်အလေးချိန်ကို ထိန်းသိမ်းရန် မည်သို့ လုပ်ဆောင်သင့်သနည်း။ keto အစားအသောက်စားသုံးခြင်း၊ အဆက်မပြတ်အစာရှောင်ခြင်းနှင့် ကာဗိုဟိုက်ဒရိတ်အစားလျော့ခြင်းကဲ့သို့သော သိပ္ပံနည်းကျ ကိုယ်အလေးချိန်ကျခြင်း နည်းလမ်းများသည် မှန်ကန်စွာအသုံးပြုသည့်အခါ ထိရောက်မှုရှိပါသည်။ ကိုယ်အလေးချိန်ထိန်းဖို့ မျှတတဲ့ အစားအသောက်က မရှိမဖြစ်လိုအပ်ပါတယ်။ အားကစားကို မကြိုက်သူများအတွက်၊ ပေါ့ပေါ့ပါးပါး လေ့ကျင့်ခန်းလုပ်ပြီး အစားအစာကို ဖြည်းဖြည်းချင်း လျှော့စားခြင်းက အစားအသောက်ပုံစံအသစ်နဲ့ လိုက်လျောညီထွေဖြစ်အောင် ကူညီပေးနိုင်ပါတယ်။ ဖြည်းညှင်းစွာ ဝါးခြင်းသည်လည်း ဗိုက်ပြည့်ဝမှုကို ဖြစ်စေသည်။ (၃) လေ့ကျင့်ခန်းနှင့် အစားအသောက်အပြင်...

In-Vitro Fertilisation (IVF) ဆိုသည်မှာ ခန္ဓာကိုယ်ပြင်ပတွင် မမျိုးဥဆဲလ်များကို သုက်ပိုးဖြင့် သန္ဓေမျိုးစပ်သည့် လုပ်ငန်းစဉ်ဖြစ်ပါသည်။ အဆင့် ၁ - မမျိုးဥများရင့်မှည့်လာရန် ဆေးပေး၍လှုံ့ဆော်ခြင်း။အဆင့် ၂ - သားဥအိမ်လှုံ့ဆော်မှုကိုစောင့်ကြည့်စစ်ဆေးခြင်း။အဆင့် ၃ - မမျိုးဥထုတ်ယူခြင်း။အဆင့် ၄ - အမျိုးသားသုက်ပိုးပြင်ဆင်ခြင်း။အဆင့် ၅ - မျိုးစပ်ခြင်း။အဆင့် ၆ - သန္ဓေသားလောင်းထည့်ခြင်း။အဆင့် ၇ - ကိုယ်ဝန်ဆောင်ခြင်း။ IVF ပုံမှန်လုပ်ထုံးလုပ်နည်း။ သုက်ပိုးများကို ထုတ်ယူထားသောမမျိုးဥများထဲသို့ပေါင်းထည့်ပြီး ဓာတ်ခွဲခန်းတွင် သဘာဝအလျောက်မျိုးစပ်ခြင်းကို ဖြစ်ပေါ်စေသည်။ နောက်တစ်ရက်တွင် သန္ဓေအောင်ခြင်းဖြစ်ပေါ်မှုရှိမရှိကို သန္ဓေသားဗေဒပညာရှင်မှ စစ်ဆေးအတည်ပြုပြီး ရလဒ်အဖြေကိုအကြောင်းကြားပါသည်။ သန္ဓေအောင်ပါက သားအိမ်ထဲသို့မထည့်မှီ သန္ဓေသားလောင်းများကို အပြင်တွင်ခဏတာကြီးထွားစေပါသည်။ ကိုယ်ဝန်ရှိမရှိကို ၂ ပတ်အကြာတွင် စစ်ဆေးအတည်ပြုနိုင်ပါသည်။ IVF နည်းလမ်းသည် မည်သူတို့အတွက် သင့်တော်ပါသနည်း။ အောက်ပါအခြေအနေရှိသည့် လက်ထပ်ပြီးသောဇနီးမောင်နှံများအတွက် သင့်တော်ပါသည်။ • သားဥပြွန် ပျက်စီးနေခြင်း (သို့) ပိတ်ဆို့နေခြင်း။• သားဥကြွေပုံမမှန်ခြင်း၊ ကိုယ်ခံအားဆိုင်ရာပြဿနာများ (သို့) အဖြေရှာမရသည့်မျိုးမအောင်ခြင်း စသည့်အခြေအနေများကို ကုသပြီးသော်လည်း ကိုယ်ဝန်မရရှိခြင်း။• သားအိမ်အတွင်းလွှာတစ်သျှူးပုံမမှန်ခြင်း။• သုက်ပိုးပုံမမှန်ခြင်းများ။

သုတ်ပိုးများကို သားအိမ်တွင်းသို့ စက်ဖြင့် ၄ နာရီကြာ တဖြည်းဖြည်းလွှတ်ပေးသည့် Evie နည်းဖြင့် ကိုယ်ဝန်သန္ဓေသား အောင်စေသောဝန်ဆောင်မှုကို အာရှတွင် ပထမဆုံးအနေဖြင့် Raffles Fertility Centre တွင် ရရှိနေပါပြီ။ Evie နည်း၏ အားသာချက်များ။ • ကိုယ်ဝန်ဆောင်နိုင်သည့်အခွင့်အလမ်းပိုမြင့်မားခြင်း။• စျေးနှုန်းသက်သာခြင်း။• ပြင်ပလူနာဌာနတွင် လုပ်ဆောင်နိုင်ခြင်း။• ခွဲစိတ်မှုလုပ်ဆောင်ရန်မလိုခြင်း။ Evie နည်းသည် ကိုယ်ဝန်ဆောင်နိုင်သည့်အခွင့်အလမ်းကို မည်သို့ပိုကောင်းစေပါသနည်း။ သဘာဝနည်းဖြင့်သန္ဓေတည်ခြင်းတွင် သုတ်ပိုးသည် သားအိမ်တွင်းသို့တစ်ဖြည်းဖြည်းရောက်ရှိလာပြီး၊ နာရီပေါင်းများစွာအချိန်ယူ၍ သားအိမ်ပြွန်များသို့ရွှေ့ပြောင်းသည်။ SRI နည်းလမ်းသည် ထိုသဘာဝဖြစ်စဉ်ကိုအတုယူ၍ သုတ်ပိုးနှင့် မမျိုးဥထိတွေ့နိုင်မှုကြာချိန်ကိုတိုးမြှင့်ထားပါသည်။ ထိုသို့သုတ်ပိုးကိုဖြေးဖြေးနှင့်မှန်မှန်လွှတ်သောဖြစ်စဉ်သည် ကိုယ်ခံအားဆိုင်ရာတုံ့ပြန်နိုင်ခြေ နှင့် မမျိုးဥတွင်သုတ်ပိုးအမြောက်အမြားဝင်ရောက်မျိုးစပ်ခြင်းကြောင့် မအောင်မြင်ဖြစ် ခြင်းတို့ကိုလျော့ကျစေပါသည်။ ပုံမှန် IUI ကုသမှုနှင့်နှိုင်းယှဉ်လျှင် Evie သည် SRI နည်းလမ်းဖြင့် သုတ်ပိုးများကိုသားအိမ်တွင်းသို့ စက်ဖြင့် ၄ နာရီ ကြာတဖြည်းဖြည်းလွှတ်ပေးသည့်စက်ဖြစ်ပါသည်။ သားအိမ်ပြွန်မှတဆင့်သုတ်ပိုးများဝမ်းဗိုက်တွင်းသို့ထုတ်လွှတ်ခြင်း၊ သားအိမ်လမ်းကြောင်းတွင်းသို့ နောက်ပြန်စီးခြင်းဖြစ်နိုင်ခြေတို့ကိုလျော့နည်းစေပြီး၊ ကိုယ်ဝန်သန္ဓေသားရရှိနိုင်မှုကို တိုးတက်စေပါသည်။ လုပ်ဆောင်ချက် ပြွန်သေးတစ်ချောင်းကို သားအိမ်တွင်းသို့ထည့်၍ တစ်ခါသုံးသုတ်ရည်ထိုးစက်အသေးကို ပေါင်ခြံတွင်ဝတ်ဆင်ထားရ မည်ဖြစ်ပါသည်။ အများအားဖြင့် ရိုးရှင်း၍မြန်ဆန်သောလုပ်ဆောင်ချက်ဖြစ်ပါသည်။၄ နာရီနောက်ပိုင်းတွင် မည်သို့စက်ဖြုတ်ရမည်ကို ဆရာဝန်မှရှင်းပြပေးပါမည်။ လူနာအများစုသည် စက်တပ်ပြီးသည် နှင့်ဆေးခန်းမှပြန်နိုင်ပြီး၊ ပေါ့ပေါ့ပါးပါးသွားလာလှုပ်ရှားနိုင်ပါသည်။ ဆေးခန်းမှမပြန်မှီ စက်စတင်တပ်ချိန်၊ စက်ဖြုတ်ရ မည့်အချိန်၊ စက်ဖြုတ်ပုံများကို လူနာအားလမ်းညွှန်ရှင်းပြပေးမည်ဖြစ်ပါသည်။ မည်သူတို့သည် Evie နည်းဖြင့် ကိုယ်ဝန်သန္ဓေသားရယူရန်သင့်တော်ပါသနည်း။ ပထမဆုံးမျိုးပွားကုသမှုခံယူရန်အတွက် သားအိမ်ပြွန်ပြဿနာမရှိသောသူများအား Evie နည်းကိုသုံးရန်ထောက်ခံ အကြံပြုပါသည်။• မျိုးမအောင်ခြင်းအဖြေရှာမရသည့်စုံတွဲများ။ (ရလဒ်အကောင်းဆုံးမှာ ၃၅ နှစ် နှင့် ၃၅ နှစ်အောက်...